Njoftimet

 

Ka mbërritur në orët e para të mëngjesit të sotëm,  e diel 17 shkurt,  kroçera e parë për vitin 2019 në Portin e Sarandës.  Me rreth 135 turistë francez dhe belg, anija me flamur Belg mbërriti në qytetin bregdetar për një vizitë ditore.  Nën diellin mesdhetar të Sarandës,  me një kohë pranverore turistët francez dhe belg kanë vizituar qytetin dhe kanë shijuar një ditë plotë diell.

 

Anija “La bella de l’Adriatique” është e dallëndyshja e parë që solli pranverën e parakohshme në qytet.  Kjo kroçerë e ka udhëtimin e saj të parë në Sarandë, nga 7 që do të ketë këtë sezon në Shqipëri. Kjo kroçerë ka mbërritur në Sarandë nga brigjet e Kroacisë.

Vizita në Gjirokastër dhe sitet arkeologjike të Sarandës. 

Gjatë qëndrimi një ditor të tyre në Shqipëri,  turistët belg dhe francezë të kësaj kroçere kanë vizituar Parkun Arkeologjik të Butrintit,  Kalanë e Lekurësit dhe me pas janë drejtuar për në qytetin e gurtë të Gjirokastrës.

Pasi kanë bërë një shëtitje nëpër lagjet e vjetra me kalldrëm i janë drejtuar Kalasë së Argjirosë duke shijuar bukuritë dhe këtij qyteti.  Turistët janë kthyer vonë në mbrëmje në anijen e tyre,  të mahnitur nga kjo vizitë e parë e tyre në Shqipëri duke u shprehur se do të riktheheshin përsëri në Sarandë për të vizituar dhe vende të tjera të Shqipërisë.

Porti i Sarandës do të mirëpresë shumë  kroçera e anije turistike këtë sezon, me shërbimet dhe mikpritjen maksimale me qëllim shtimin e turistëve të huaj më shumë se vitin e kaluar..